[ حبيبتي كوكب حلا ،،،،،،،،،!!

( حبيبتي كوكب حلا )

يــــــا وجـــد حالي كـل ما هبت علـي مــن الشمال
في ليلتن من بردها نـــار الولــه شبيتها

والحيـــــــن ياليــل الهـــوى مدام انـــا جالي مجال
والحان فكــري لجل عيـن الفاتنـه جريتها

كل ما تمـــر طيوفهـــا يطــري على بالــي ســـؤال
وشلون جــات بدنيتي أو كيـف انا حبيتها

ان جيت ابوصف حسنها واغوص في بحر الخصال
يتــوه فكــري والقصيــد واتــوه ما وفيتها

حبيبتـي كــوكــب حـــلا يحوي تفاصيــل الجمـــال
وصفـن يليـق بحسنها وانــا كــذا سميتها

أزكــى من ازهار العبيــر واعذب من الــمي الزلال
وكل الــورود اللي انــا في دنيتـي شميتها

ورده جميـــله فاتنــه تعــدت آفـــــاق الخيــــــال
زرعتها فـي داخــل عروقي وقلبـي بيتــها

منبـع حــلا منبـع غنــج منبـع غــلا منبــع دلال
عن شــر حســاد البشر في خافقـي خبيتها

حبيبتي ضي القمــر لو تطلب الصعـــب المحال
مـن وســط شريان المـوده والغــلا لبيتها

اللي سبت روحــي سبي بالزين ما فيها جــدال
قولو لها ياهل الهوى تعطف وترحم ميتها

قــولو لها مجنونهــا مــا فيه للصبــر احتمــال
أخـاف امـوت من الوله وما بعــد ضميتها

قــولو كتبها مــن عقــل ولا كتبها مــن هبــال
بس المهم واللـي اهـم بمـوت مــا خليتها

صارت ثوانـي بعــدها في عيــن عاشقها ليال
يا شين لحظـات الفراق الله يخــرب بيتها

وسلامتكم

merci pour les parols magique